cPanel Git Version Control deploy (SSH-гүй хостинд)

Ийм орчны нэг бодит жишээ нь Монгол Улсын Үндэсний Дата Төвийн төрийн байгууллагуудын веб порталд зориулсан shared hosting юм.

Raptor-ийн үндсэн deploy аргууд (FTP, SSH, Windows self-hosted runner) нь .github/workflows/deploy.yml дотор бичигдсэн - тохируулах заавар нь тухайн файлын толгойн тайлбарт бий. Энэ баримт нь зөвхөн тэдгээрийн аль нь ч сервер лүү хүрч чадахгүй онцгой орчны (SSH/Terminal-гүй cPanel shared hosting) fallback scaffold-ийг тайлбарлана.

cPanel Git Version Control дээр SSH/Terminal-гүй орчинд git push -> live автомат deploy хийх темплейт файлууд docs/conf.example/ дотор байгаа. Эдгээр нь application код биш, deploy scaffold-ийн темплейт - шинэ төсөл болгон өөрийн зам/хостоор тохируулж авна.

Файлууд:

docs/conf.example/.cpanel.yml.example - repo root-д .cpanel.yml нэрээр хуулна. cPanel UI дээр "Deploy HEAD Commit" дарахад ажиллах task list.
docs/conf.example/auto-deploy.sh.example - deploy/auto-deploy.sh болгож хуулна. Cron-оор N минут тутам ажиллаж, .cpanel.yml-ийн алхмуудыг гараар давтана (Deploy товч даралгүйгээр бүрэн автомат).

Хэзээ хэрэглэх

Хостинг cPanel Git VCS-тэй, git repo серверт pull хийгддэг.
rsync байхгүй (CloudLinux CageFS) -> cp overlay ашиглана.
vendor/ git-д ороогүй (gitignore) -> autoload-ыг серверт composer-оор regenerate хийх ёстой.

Placeholder-ууд (заавал тохируулна)

Placeholder	Утга
`USERNAME`	cPanel хэрэглэгчийн нэр (home directory)
`PROJECT`	Repository нэр (cPanel Git "Repository Path" доторх)
`BRANCH`	Deploy хийх branch (default `main`)
`/opt/cpanel/composer/bin/composer`	Хостын composer binary зам
`/opt/cpanel/ea-php*/root/usr/bin/php`	CLI php binary хайх glob (хост тус бүр өөр)

Хэрэв хост cPanel биш (Plesk, шууд VPS г.м.) бол зам/бинариудыг тохируулж, CLI php-г шууд зааж болно. rsync байвал cp -a оронд rsync -a --delete ашиглаж болно.

Cron тохиргоо (cPanel -> Cron Jobs, N=2-5 минут):

*/5 * * * * /bin/bash /home/USERNAME/repositories/PROJECT/deploy/auto-deploy.sh

Developer заавар (заавал уншина - алдаанаас сэргийлэх)

Доорх дүрмүүд нь бодит deploy алдаануудаас цугларсан ("Class not found" гинжин алдаа шинэ модуль/namespace нэмэхэд).

vendor git-д ороогүй тул composer.json-ий autoload (PSR-4 map) өөрчилвөл серверт autoload заавал regenerate болох ёстой. Scaffold нь үүнийг composer.json өөрчлөгдсөнийг мэдэж composer dump-autoload -o ажиллуулж шийднэ. Хэрэв scaffold-гүй/composer серверт ажиллахгүй бол дараагийн дүрмийг бариар.
Фолдер нэрлэх дүрэм (composer ажиллахгүй үеийн найдвартай хувилбар): Шинэ модулийн фолдерын нэрийг namespace-ийн сегменттэй яг адил (PascalCase) нэрлэвэл composer огт хэрэггүйгээр ажиллана. Учир: суурийн PSR-4 prefix (жишээ "Dashboard\": "application/dashboard/") нь Dashboard\Foo\Bar-ыг шууд application/dashboard/Foo/Bar.php руу зурна (Linux дээр том/жижиг үсэг ялгаатай). Харин lowercase фолдер (application/dashboard/foo) нь зөвхөн explicit map ("Dashboard\Foo\": "application/dashboard/foo")-аар олдох тул composer dump-autoload заавал шаардана. Товчоор:
- Composer серверт найдвартай ажилладаг -> lowercase болно.
- Composer серверт ажилладаггүй/эргэлзээтэй -> PascalCase (фолдер = namespace).
CLI SAPI php gotcha: cron-ийн PATH дахь php нь ихэвчлэн CGI/FPM SAPI байдаг ба composer "cannot be run safely on non-CLI SAPIs" гэж унадаг. Тиймээс scaffold нь PHP_SAPI == 'cli' буцаадаг php binary-г тусад нь хайж (ls /opt/cpanel/ea-php*/.../php) ашиглана. .cpanel.yml (UI deploy) нь ихэвчлэн CLI орчинд ажилладаг тул тэнд шаардлагагүй.
Хамгийн чухал - deploy script-ийг өөрийг нь өөрчлөх дараалал: auto-deploy.sh нь main()-г бүтнээр уншаад дараа нь git reset хийдэг тул script-ийг шинэчлэх commit-ийг deploy хийхэд тэр deploy хуучин логикоороо ажиллана. Тиймээс deploy зан үйлээс хамаарах өөрчлөлтийг script засвартай нэг commit-д бүү хий. 2 үе шаттай хий:
- Үе 1: зөвхөн deploy script засвар (кодын ажиллагаа хэвээр, юу ч эвдрэхгүй). -> deploy болгож, серверт шинэ script суусныг баталгаажуул.
- Үе 2: script-ийн шинэ зан үйлээс хамаарах өөрчлөлт (жишээ lowercase rename). -> одоо сервер дээрх шинэ script үүнийг зөв боловсруулна.
Баталгаажуулалт: deploy-ийн дараа LOG (.../logs/auto-deploy.log)-д deploy дуусав (<hash>) болон composer ажилласан бол composer.json -> composer dump-autoload -o (...) мөр гарсан эсэхийг шалга. Анхаар: CLI PHP олдсонгүй гарвал autoload шинэчлэгдээгүй -> class олдохгүй.
Сүлжээний тасралтын лог: GitHub-д холбогдож чадахгүй үед cron бүр алдаа бичээд лог томордоггүй - script нь OFFLINE тэмдэг файлаар (/tmp/PROJECT-auto-deploy.offline) төлөв хадгалж, тасралт эхлэхэд git fetch амжилтгүй... гэсэн 1 мөр, холболт сэргэхэд git fetch сэргэв... гэсэн 1 мөр л бичнэ. Хоёр мөрийн хооронд чимээгүй байсан хугацаа нь тасралтын үргэлжилсэн хугацаа юм.